Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 90 Hüküm no: 54 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Musa Çelebi’nin vefatıyla oğluna annesinin vasi tayin edildiği Mahmiye-i İstanbul’da Kādı Çeşmesi kurbünde Debbâğzâde odalarında sâkin iken bundan akdem vefât eden Mumcu Musa Çelebi b. İbrahim’in sulbî sagīr oğlu Musa’nın tesviye-i umûruna kıbel-i şer‘den mansûb vasîsi olan Hüseyin Efendi b. Bayram fevt olup vesâyet-i mezbûre hâlî kalmağın sagīr-i mezbûrun tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet ile mevsûfe ve her vechile vesâyet uhdesinden gelmeye kādire idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan sagīr-i mezbûrun vâlidesi işbu bâ‘isetü’l-kitâb Âişe Hatun bt. Abdullah’ı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīr-i mezbûrun vakt-i rüşd ü sedâdına varınca tesviye-i umûruna vasî nasb u ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî-gurreti Cumâdelâhire sene 1143. Şuhûdü’l-hâl: Mehmed Çelebi b. Ahmed, Hüseyin Çelebi b. Mustafa, Abdullah Çelebi b. Hüseyin, İbrahim Çelebi b. Süleyman, Mehmed Çelebi b. Abdullah