Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 192 Hüküm no: 135 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed’in terekesi Mahmiye-i İstanbul’da Sultân Selim kurbünde Tevkī‘î Cafer mahâllesi ahâlîsinden olup vilâyet-i Rumeli’nde Praveşte kazâsında misâfiren sâkin iken bundan akdem vefât eden es-Seyyid Mehmed’in verâseti zevce-i menkûha-i metrûkesi Emine Hatun bt. Abdullah ile vâlidesi Âişe Hatun bt. el-Hâc Mehmed’e [ve] sulbiye kebîre kızı Şerîfe Fâtıma’ya ve sulbiye sagīre kızları Şerîfe Rukıye ve Şerîfe Havva’ya ve sulbiye kebîre kızı olup kazâ-i mezbûrede sâkine Şerîfe Saliha’ya ve li-ebeveyn er karındaşı es-Seyyid Mustafa’ya münhasıra olduğu şer‘an zâhir ve mütehakkık oldukdan sonra sagīretân-ı mezbûretânın vâlideleri ve tesviye-i emrlerine cânib-i şer‘den mansûbe vasiyyeleri mezbûre Emine Hatun ve mezbûre Şerîfe Fâtıma’nın zevci ve tarafından vekîl-i müsecceli Hüseyin Beşe b. Abdullah ve mezbûre Şerîfe Saliha tarafından kezâlik vekîl-i sâbitü’l-vekâlesi Çorbacı Mehmed Ağa b. Ahmed ve mezbûre Âişe Hatun ile mezbûr es-Seyyid Mustafa taleb ve ma‘rifetleriyle müteveffâ-yı mezbûrun tahrîr ve beyne’l-verese taksîm olunan terekesidir ki ber-vech-i âtî zikr olunur. Fî 2 min-Cumâdelâhire sene 1143. Mushaf-ı şerîf 700 akçe Abanoz devât 150 akçe Hırdavât-ı demir 600 akçe Yemenî köhne yorgan 240 akçe Beyaz keçe 75 akçe Praveşte ihrâm 170 akçe İhrâm-ı beylik 200 akçe Yasdık gılâfı 6 420 akçe Yemenî yorgan 330 akçe Alaca kilim 460 akçe Minder 2 300 akçe Minder 2 400 akçe Minder 2 240 akçe Kırmızı şilte 240 akçe Köhne şalvar 39 akçe Kadife yasdık yüzü 4 540 akçe Orta Selanik keçe 720 akçe Demir ve ağaç iskemle 105 akçe Bakır kumkuma 30 akçe Leğen ibrik 240 akçe Bakır sahan 6 185 akçe Tâbe 120 akçe Kebîr tas 135 akçe Tencere kapak 300 akçe Sagīr tencere kapak 2 300 akçe Kadayıf tepsi 150 akçe Şamdân 120 akçe Tuç sahan 2 40 akçe Sagīr tas kefçe sagīr kahve ibriği 70 akçe Sagīr sini 230 akçe Hırdavât 50 akçe Leğen ibrik 370 akçe Turuncu şal 1.900 akçe Sincâbî şal 1.820 akçe Beyaz şal 1.800 akçe Beyaz şal 1.600 akçe Kırmızı şal 1.700 akçe Güvez şal 2.400 akçe Od-ı Kumârî, 48 dirhem, fî 12 624 akçe Cem‘an yekûn: 20.183 akçe Minhe’l-ihrâcât Resm-i âdî 450 akçe Dellâliye ve kâtibiye 360 akçe Kaydiye 30 akçe Yekûn: 840 akçe Sahhü’l-bâkī: 19.343 akçe Hissetü’z-zevceti’l-mezbûre 2.417 akçe Hissetü’l-ümmi’l-mezbûre 3.223 akçe Hissetü’l-binti’l-mezbûre 3.223 akçe Hissetü’l-binti’l-mezbûre 3.223 akçe Hissetü’l-binti’l-mezbûre 3.223 akçe Hissetü’l-binti’l-mezbûre 3.223 akçe Hissetü’l-ahi’l-mezbûr 809 akçe Kesr-i bâkī 2 akçe