Bab Mahkemesi 54 Numaralı Sicil (H. 1102 / M. 1691) cilt: 20, sayfa: 150 Hüküm no: 144 Orijinal metin no: [23b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Abdullah’ın Ahmed Çelebi b. Mustafa’dan muhâlaa yoluyla boşanması Mahmiye-i İstanbul’da Elvanzâde mahallesi sâkinelerinden zâtı ma‘rifet-i şer‘iyye ile [ârifân] el-Hâc Abdülkādir Efendi b. Osman ve Nasuh Efendi b. Abdüsselâm ta‘rîfleriyle mu‘arrefe olan Hatice bt. Abdullah nâm hâtun meclis-i şer‘-i şerîf-i enverde, zevc-i dâhili işbu bâ‘isü’l-kitâb Ahmed Çelebi b. Mustafa mahzarında ikrâr ve takrîr-i kelâm edip, zevcim mezbûr Ahmed Çelebi zimmetinde mütekarrir ve ma‘kūdun aleyh olan beş bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Ahmed Çelebi ile muhâla‘a-i sahîha-i şer‘iyye ile muhâla‘a edip, ol dahi hul‘-ı mezbûru kabûl eylediğinden sonra hukūk-ı zevciyyete müte‘allika âmme-i da‘vâdan zevcim mezbûrun zimmetini ibrâ-i âm ile ibrâ ve iskāt eyledim dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min Cumâdelâhire li sene isneteyn ve mi’e ve elf. Şuhûdü’l-hâl: El-Hâc Abdülkādir Efendi b. Osman el-imâm, Nasuh Efendi b. Abdüsselâm, Bayram Beşe b. Mahmud, Resul Çelebi b. Mustafa, Sâlih Çelebi b. Cafer.