Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 81 Hüküm no: 34 Orijinal metin no: [16a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkime bt. Behrâm Bey’in, evini istiğlâl yoluyla Mustafa b. Mehmed ve Rânâ bt. Abdullah’a sattığı Hâkime bt. Behrâm Bey kıbelinden husûs-i âtiyyü’l-beyâna vekâleti Halil b. Pîrî ve Mehmed b. Kasım nâm kimesnelerin şehâdetleri ile sâbit olan Mustafa b. Ahmed nâm kimesne meclis-i şer‘-i şerîf-i şâmih-i erkânda hâzır olup müvekkile-i mezbûresinin âtiyyü’z-zikr menzilini hâmil-i hâze’l-kitâb Mustafa b. Mehmed er-râcil ve Rânâ bt. Abdullah’a bey‘ ettiğini bi’l-vekâle ikrâr ve i‘tirâf etti. Müşteriyân-i merkūmân da, mezbûre Hâkime’nin işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahmiye-i Kostantıniyye mahallâtından Fîrûz Ağa mahallesinde vâki‘ olan, bir taraftan Ahmed Halîfe b. Mustafa el-imâm mülkü, diğer taraftan merhûm Fîrûz Ağa Vakfı, öteki taraftan su kemeri ve diğer taraftan da tarîk-ı âm ile mahdûd bulunan cemî‘-i menzilini cümle tevâbi‘ ve levâhıkı ile râyicü’l-vakt otuz beş bin akçe semen-i mu‘ayyen-i makbûz ile iştirâ etti. Bâyi‘a-i mezbûrenin menzili kirâlamak istemesi üzerine müşteriyân-i merkūmân, ba‘de’t-tahliye ve’t-tekābuz zeyilde mezkûr seneden bir sene tamâmına beş bin iki yüz elli akçe ücret-i kirâ ile menzili kirâladı. Rânâ bt. Abdullah kıbelinden tasdîke vekâleti bi mâ hüve tarîku’s-sübût şer‘an sâbit olan Mevlâna el-Hâc Veli b. Mehmed tarafından vâki‘ ikrâr bi’l-muvâcehe tasdîk edildi. Halil b. Pîrî, Ahmed b. Mustafa el-imâm ve Mehmed b. Kasım nâm kimesneler menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldular. Cerâ zâlike ve hurrire fi’l-yevmi’s-sâdis min Rebî‘ilâhir sene isneteyn ve elf. Şuhûdü’l-hâl: Emrullah b. Mehmed, Hasan b. Ali, Ahmed b. Osman, Mustafa b. Osman