Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 102 Hüküm no: 66 Orijinal metin no: [21b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Çavuş’un vefat eden Nişancı Abdülmuhyi Efendi’deki alacağının terekesinden tahsili Dergâh-ı âlî çavuşlarından mefharü’l-a‘yân Hüseyin Çavuş b. Nebi meclis-i şer‘a bundan akdem nişâncı iken vefât eden merhûm ve mağfûrun-leh Abdülmuhyi Efendi’nin sulbî oğlu ve vârisi olan mefharü’l-mehâdîmi’l-kirâm Abdullah Bey nâm kimesneyi ihzâr ve mahzarında takrîr-i kelâm edip müteveffâ-yı mezkûr Abdülmuhyî Efendi’ye hâl-i hayâtında karz tarîki üzre kendi mâlımdan yüz bin nakd-i râyic fi’l-vakt akçe teslîm edip ba‘dehû [meblağ-ı] mezkûrun yetmiş bin akçesin geri kabz ve istîfâ edip merhûmun [22a] zimmetinde otuz bin akçe hakkım bâkī kalmışdır. Hâlâ muhallefâtından taleb ederin suâl olunsun dedikde, gıbbe’s-suâl mûmâ-ileyh Abdullah Bey kaziyye minvâl-i meşrûh üzre idiğin bi’t-tav‘ ve’r-rızâ ikrâr ve i‘tirâf eyledikde mezbûr Abdullah Bey’in minvâl-i meşrûh üzre olan ikrâr ve i‘tirâfı sâlifü’z-zikr Hüseyin Çavuş talebi ile ketb olundu. Tahrîren fî evâhiri Şa‘bân sene 1002. Şuhûdü’l-hâl: Hasan b. Abdullah, İbrahim Çavuş b. Mustafa el-mübâşir, Abdullah b. Abdullah, Ahmed b. Hüseyin, Ahmed b. Abdullah, Hasan b. Abdullah el-cündî, Mustafa b. Hamza.