Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 108 Hüküm no: 75 Orijinal metin no: [23a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Krant bt. Manol’un sattığı evin bedelinden Perpid bt. Todori’de alacağı olduğu Udûlden Muharrem Halîfe b. Kemal el-imâm ve İsa b. Abdullah el-müezzin nâm kimesneler meclis-i şer‘-i şerîfde hâzırân olup, mahmiye-i Kostantıniyye mahallâtından Sulu Manastır mahallesinde bundan akdem mürd olan Perpid bt. Todori nâm zimmiyyenin zevcesi ve vârisi olan Simo v. Dimo nâm zimmî mahzarında, mahalle-i merkūmede sâkine olan râfi‘a-i hâze’l-kitâb Krant bt. Manol’dan sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘iyye-i mezkûrenin hâlike-i mersûme üzerinde ve zimmetinde mahalle-i merkūmede vâki‘ müşterâ-i makbûz menzil semeninden râyicü’l-vakt on sekiz bin akçe hakkı vardır. Bu meblağ zimmiyye-i mezbûrenin zimmetinde lâzimü’l-edâ ve vâcibü’l-kazâ deyndir. Müdde‘iyye-i mezkûreye, meblağ-ı merkūmu kısmen veya tamâmen kendisinin veya vekîlinin, müteveffâdan veya vekîlinden almadığına, zimmetini bi vechin mine’l-vücûh ibrâ etmediğine dâir İncili İsa aleyhisselâma inzâl eden Allah adına yemîn verilmesinden sonra şehâdetleri ba‘de ri‘âyet-i şerâiti kabûl inde’ş-şer‘ makbûl ve mûteber olmağın mûcibince hükmedildi. Cerâ zâlike ve hurrire fî evâhiri şehri Receb el-mübârek sene-i mezbûre Şuhûdü’l-hâl: Mevlâna Ahmed Efendi b. Mahmud, Mevlâna Mehmed b. el-Hâc Mehmed, Hüseyin b. Abdullah ve gayruhüm