Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 191 Hüküm no: 203 Orijinal metin no: [45b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fethullah Çelebi ve Cafer Çelebi’nin, değirmenlerini Fudayl Efendi Vakfı’na istiğlâl yoluyla sattıkları Mehâdîmü’l-kirâm Fethullah Çelebi ve Cafer Çelebi ibney merhûm-i mebrûr Mustafa Efendi meclis-i şer‘-i şerîfde hâzırân olup, âtiyyü’z-zikr değirmenlerini, mahmiye-i Kostantıniyye’de vâki‘ merhûm-i mebrûr Fudayl Efendi Vakfı’na mütevellî olan hâmilü’l-kitâb Muharrem Çelebi b. Ebülkasım’a bey‘ ettiklerini ikrâr ve i‘tirâf ettiler. Mütevellî-i merkūm da vakf-ı mezbûr mâlıyla ve istiğlâl maksadıyla, bâyi‘ayn-i mezbûreynin sâhibi ve mâliki oldukları, vilâyet-i Anadolu-i ma‘mûredeki Amasya kazâsı nâhiyelerinden …? nâhiyesi tevâbi‘inden Başeyirmeni? ve Çevik? karyeleri arasında kâin, karye-i Başeyirmeni’den çıkan derede dönen, ahâlî arasındaki şöhretinden sebeb tahdîd ve ta‘yînden müstağnî bulunan değirmenleri râyicü’l-vakt on bir bin akçe semen-i mu‘ayyen-i makbûz ile iştirâ etti. Bâyi‘ayn-ı mezkûreynin değirmenleri icâreye almak istemeleri üzerine, mütevellî-i merkūm, zeyilde mezkûr ayın gurresinden bir sene tamâmına iki bin yüz akçe ücret-i kirâ ile icâreye verdi. Vâki‘ ikrâr, mütevellî-i mezkûr tarafından vicâhen ve şifâhen tasdîk edildi. Cerâ zâlike ve hurrire fî evâsıtı Şevvâl sene 1002. Şuhûdü’l-hâl: Çiçekli Mehmed el-İskilibî, Mevlâna Edhem Efendi el-kādî, Halil Efendi el-müste‘id, Sofu Ahmed Bey, Feridun Bey, Hacı Çelebi el-kādî, Mevlâna Hasan Çelebi b. Murad Efendi, Mevlâna Mehmed b. el-Hâc Mehmed