Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 220 Hüküm no: 236 Orijinal metin no: [54b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Abdullah’ın yeniçeri beytülmâl emini Mustafa Subaşı’daki ölen kocası Süleyman b. Abdullah’ın muhallefâtından hissesini alması Mahrûsa-i Galata hâricinde vâki‘ Tomtom Memi mahallesinde sâkin iken vefât eden merhûm Süleyman b. Abdullah nâm yeniçerinin zevci ve vârisesi olan Emine bt. Abdullah nâm hâtun meclis-i şer‘-i şerîfe hâzıra olup hâlâ Dergâh-ı âlî yeniçerileri beytülmâlı emîni olup müteveffâ-yı mezkûrun muhallefâtına vâzı‘u’l-yed olan işbu râfi‘ü’l-kitâb fahrü’l-akrân Mustafa Subaşı b. Osman mahzarında takrîr-i kelâm edip bundan akdem zevcim müteveffâ-yı mezbûr Süleyman zimmetinde dört bin akçe cihet-i karzdan ve beş yüz akçe mehr-i müeccelimden cem‘an dört bin beş yüz akçe hakkım olup hâlâ emîn-i mezkûr yedinde müteveffâ-yı mezbûrun mazbût olan muhallefâtından zikr olunan dört bin beş yüz akçe hakkımı ve andan mâ‘adâ verâsetim hasebiyle muhallefât-ı merkūmeden âid olan rub‘ hissemi alıp bi’t-tamâm kabz [eyledim]. Min ba‘d husûs-ı mezkûra [müte‘allik] emîn-i mezbûr ile kat‘an alâkam kalmamışdır deyû tav‘an ikrâr ve i‘tirâf etdikde mukırre-i mezkûrenin ikrâr-ı meşrûhunu emîn-i mezkûr vicâhen tasdîk ve şifâhen tahkīk edip mâ hüve’l-vâki‘ bi’t-taleb ketb olundu, tahrîr olundu. Tahrîren fî 23 min Zilhicce sene 1002. Şuhûdü’l-hâl: Mehmed Çavuş b. Hacı Mustafa, Ferhad Bey b. Abdullah er-râcil, Mustafa b. Abdullah er-râcil, Mustafa b. Mehmed er-râcil, Hüseyin b. Abdullah er-râcil.