Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 224 Hüküm no: 242 Orijinal metin no: [56a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bakkal Hasan b. Abdullah’ın ortağı Bakkal Ramazan b. Budak’tan ticaret maksadıyla on bin akçe aldığı ve sonra öldüğü Udûlden Mehmed b. Ali el-bakkal ve Abdülkerim b. Hüsam nâm kimesneler Dîvân-ı âlî’de -dâme fî himâyeti’l-müte‘âlî- hâzırân olup elân Dârü’s-saltanati’s-seniyye mahmiye-i Kostantıniyye’de vâki‘ Beytülmâl-i hâssın emîni olup mahalle-i mezkûrede bundan akdem vefât eden merhûm Hasan b. Abdullah el-bakkalın muhallefâtına vâzı‘-ı yed olan kıdvetü’l-a‘yân Abdullah Çavuş mahzarında, müteveffâ-i mezkûrun şerîki olup Tahta Kal‘a mahallesinde sâkin olan râfi‘-i hâze’l-kitâb Ramazan b. Budak el-bakkaldan sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müteveffâ-i mezkûr Hasan hâl-i hayâtı ve nefâz-ı tasarrufâtında şerîki müdde‘î-i mezbûr Ramazan’ın yedinden ticâret maksadıyla râyicü’l-vakt on bin akçe ahz ü kabz ettiğini ikrâr ve i‘tirâf etti. Sonra mukırr-ı mezbûr Hasan meblağ yedinde olduğu hâlde fevt oldu. Şehâdetleri ba‘de ri‘âyet-i şerâiti’l-kabûl inde’ş-şer‘ makbûl ve mûteber oldu. Cerâ fî evâhiri Zilhicce sene 1002. Şuhûdü’l-hâl: Hamza b. Dursun, Mevlâna Mehmed Efendi [b.] Sinan, Mehmed Çavuş [b.] Yusuf, Receb Çelebi b. Musa ve gayruhüm