Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 278 Hüküm no: 297 Orijinal metin no: [72b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden yeniçeri beytülmâl emini Ahmed Subaşı’nın Haydar Efendi Vakfı’na olan borcunun muhallefâtından ödenmesi Mahmiye-i Kostantıniyye’de vâki‘ merhûm Haydar Efendi Vakfı’na hâlâ mütevellî olan işbu râfi‘ü’l-kitâb el-Hâc Cafer b. Musa nâm kimesne meclis-i şer‘-i şerîfe hâzır olup Dergâh-ı âlî yeniçerileri beytülmâl emîni olup yayabaşılar zümresinden Çavuşbaşı Mescidi mahallesinde sâkin iken vefât eden merhûm Ahmed Subaşı’nın muhallefâtına vâzı‘u’l-yed olan kıdvetü’l-a‘yân Mustafa Subaşı b. Osman mahzarında tav‘an ikrâr ve i‘tirâf [edip], mütevellîsi olduğum vakf-ı mezbûr mâlından müteveffâ-yı merkūm zimmetinde cihet-i karzdan yirmi dört bin akçe olup ve meblağ-ı mezbûr müteveffâ-yı [merkūm] zimmetinde cânib-i vakfa edâsı lâzım deyni idiğini emîn-i müşârun-ileyh huzûrunda sâbıkan şuhûd-ı udûl ile isbât etmiş idim. Hâlâ emîn-i müşârun-ileyh yedinde müteveffâ-yı mezkûrun mazbûta olan muhallefâtından meblağ-ı mersûmun on üç bin akçesin tevliyeten vakf için kabz edip on yedi bin akçesi bâkī kalmışdır dedikde, emîn-i mûmâ-ileyh mütevellî-i mezbûru tasdîk edip kayd olundu. Tahrîren fî 9 min Safer sene selâse ve elf. Şuhûdü’l-hâl: Mehmed Çavuş b. Hacı Mustafa, Cafer b. Mustafa, Hasan Ağa b. Abdullah, Abidin Çavuş [b.] Abdullah, Sefer b. Abdullah.