Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 111 Hüküm no: 87 Orijinal metin no: [17b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saliha bt. Şaban adlı küçüğe nafaka takdir edildiği Hâkim-i muvakki‘-i a‘lâhu dâme fazluhû ve a‘lâhu, hâl-i hayâtında mahmiye-i Kostantıniyye mahallâtından Kefeli mahallesinde sâkin iken bundan akdem Kefe eyâleti Karasu kasabasında fevt olan Şaban b. Muharrem’in Saliha nâm sagīre kızının nafakası, kisvesi ve sâir havâic-i zarûriyesi için, kıbel-i şer‘den tesviye-i umûru için mansûb vasîsi olan ve himâye ve terbiyesi altında bulunduğu annesinin talebiyle, müteveffâ-i mezbûr babasından irs-i şer‘le kendisine intikāl eden mâllardan alınmak üzre zeyilde mezkûr târihden i‘tibâren yevmî râyicü’l-vakt on akçe farz ve takdîr etti. Hâkim ilâveten vakt-i hâcette istidâne edip meblağ-ı mefrûzu sagīre-i merkūmenin havâicine sarf etmeye vakt-i zaferde rücû‘ etmeye mezbûre anneye izin verdi. Cerâ zâlike ve hurrire fi’l-yevmi’l-ışrîn mine’l-Muharremi’l-harâm min şuhûri sene selâse ve erba‘în ve elf. Şuhûdü’l-hâl: Osman Efendi b. Muzaffer el-İmâm, Veli Dede b. Lütfullah, el-Hâc Mehmed b. Ebûbekir, el-Hâc Abdülkerim b. Mustafa, Mustafa b. el-Hâc Abdülkerim, Receb b. İsmail, Hüseyin b. Ahmed