Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 259 Hüküm no: 275 Orijinal metin no: [55b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlbasan sancağı beyi Ahmed Bey b. Mahmud Çavuş’un bazı zimmîlere borcu olduğu Vilâyet-i Rumeli’nde kasaba-i Gölikesri ahâlîsinden olup hâlâ İlbasan sancağı beyi olan umdetü’l-ümerâ’i’l-kirâm Ahmed Bey b. Mahmud Çavuş nâm kimesne meclisi şer‘-i şerîfde, kasaba-i mezbûre sâkinlerinden Dimitri v. Velko ve Atyaş v. Nasde ve Yorgi v. İstati nâm zimmîler mahzarlarında ikrâr ve takrîr-i kelâm eyleyip, mezkûrların ale’l-iştirâki’s-seviy deyn-i şer‘îden zimmetimde bin altı yüz riyâlî guruş ile otuz bin fıddî râyic fi’l-vakt akçe hakları olup, meblağ-ı mezbûr târih-i kitâbdan yüz seksen gün tamâmına mev‘ûd ve müecceldir dedikde, mukarr-ı müşârunileyh Ahmed Bey’i ikrâr-ı meşrûhunda el-mukarru lehümü’l-mezbûrûn zimmîler vicâhen tasdîk ve şifâhen tahkīk eylediklerinde, mâ hüve’l-vâki‘ bi’t-taleb ketb olundu. Tahrîren fi’l-yevmi’l-âşir bin Cemâziyelevvel li sene selâsin ve erba‘în ve elf. Şuhûdü’l-hâl: Ali Bey b. ( ), Derviş Bey b. ( ), el-Hâc Mustafa b. ( ), Abdi Beşe b. ( ), Mahmud Bey b. ( ), Süleyman Beşe b. ( ), Mehmed Beşe b. ( ), el-Hâc Rıdvan b. ( ).