Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 170 Hüküm no: 112 Orijinal metin no: [17b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Çelebi’nin Mehmed Ağa b. Abdülmennan’a beş yüz guruş borcu olduğunu ikrar ettiği Mahmiye-i İstanbul’da Sultân Selim Câmi‘i kurbünde Debbâğ Yunus mahallesi ahâlîsinden Süleyman Çelebi b. (…) [meclis-i şer‘-i] hatîr-i lâzimü’t-tevkīrde hâlâ Rumeli kādıaskeri olan a‘lemü’l-ulemâ’i’l-mütebahhirîn efdalü’l-fuzalâ’i’l-[müteverri‘în yenbû‘u’l]-fezâil menbû‘u’l-efâzil es-Seyyid Mehmed Emin Efendi b. el-mevlâ’l-merhûm Sun‘î Efendi hazretlerinin [hâlâ kethüdâları olan] fahrü’l-emâcid ve’l-a‘yân Mehmed Ağa b. Abdülmennân mahzarında tav‘an ikrâr ve i‘tirâf edip mûmâ-ileyh [Kethüdâ Mehmed Ağa’ya] karz-ı şer‘îden zimmetimde lâzimü’l-edâ ve vâcibü’l-kazâ beş yüz riyâlî guruş deynim vardır dedikde mukırr-ı mezbûr Süleyman Çelebi’nin vech-i meşrûh üzere cârî ve sâdır olan ikrârın el-mukarru lehü’l-mezkûr Mehmed Ağa vicâhen tasdîk ve şifâhen tahkīk edicek mâ-hüve’l-vâki‘ bi’t-taleb ketb olundu. Tahrîren fi’l-yevmi’l-âşir min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Abdullah Efendi b. Mehmed el-imâm, Receb Çelebi b. Şa‘ban el-müezzin, Sinan b. Mehmed, Bâli Beşe b. ( ), Ali Beşe b. Mehmed odabaşı, el-Hâc Abdulbâki b. ( ), Hüseyin b. Hızır, el-Hâc Ebûbekir b. Abdülkadir.