Tophane Mahkemesi 2 Numaralı Sicil (H. 966-967 / M. 1558-1559) cilt: 43, sayfa: 119 Hüküm no: 244 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andriya’nın Domeno v. Somazi adlı çocuğu darbettiği Domeno v. Somazi nâm emred Andriya v. Yorgi nâm zimmîyi meclis-i şer‘a ihzâr ve üzerine takrîr-i merâm edip eyitti ki ben yolumca gider iken sâlifü’z-zikr Andriya gelip beni küçük kilise yolunda bi-gayr-ı [hak] beni döğdü hakkım taleb ederin dedikde suâl olundukda inkârile cevâb verip sıdk-ı mekāline muvâfık beyyine taleb olundukda Çakşırcı Coromi v. Zani ve Miheli v. Nito nâm kimesneler sıdk-ı da‘vâsına muvâfık şehâdet edip ba‘de’t-tezkiye ve’t-ta‘dîl şehâdetleri hayyiz-i kabûlde vâki‘ olup mûcib-i şehâdetlerine hükmolundu. Şuhûdü’l-hâl: Hasan Ağa Reisü’l-muhzırîn ve Memi b. Mustafa, Aleksandros b. Petro ve Anton v. Nikola