Tophane Mahkemesi 2 Numaralı Sicil (H. 966-967 / M. 1558-1559) cilt: 43, sayfa: 124 Hüküm no: 266 Orijinal metin no: [23a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duka ve Yani’nin Kosta b. Dimitri’yi darbettikleri Vech-i tahrîr-i sicil budur ki Kosta b. Dimitri nâm zimmî Duka b. Nikola ve Yani b. Matyo nâm zimmîleri meclis-i şer‘a ihzâr ve üzerlerine takrîr-i da‘vâ edip ben yoluma giderken mezbûrân Duka ve Yani beni döğüp başım yardılar hâliyâ mûcibin taleb ederim dedikde mezbûrân zimmîlerden suâl olundukda inkârile cevâb vericek müddeî‘-i mezbûrun da‘vâsına muvâfık beyyine taleb olundukda Yani b. Dimitri ve Todoro b. Yani nâm zimmîler mezkûr Kosta’nın da‘vâsına muvâfık şehâdet ettiklerinde şehâdetleri hayyiz-i kabûlde vâki‘ olup bi’t-taleb kaydolundu. Şuhûdü’l-hâl: Mehmed Çelebi Emîn-i beytülmâl, Hasan Ağa Reisü’l-muhzırîn, Mevlânâ Mehmed Çelebi b. Velid ve gayruhum