Tophane Mahkemesi 2 Numaralı Sicil (H. 966-967 / M. 1558-1559) cilt: 43, sayfa: 127 Hüküm no: 281 Orijinal metin no: [24a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Durmuş b. Ahmed’in sarhoş bir şekilde Mihri adlı kadının odasını bastığı Oldur ki Galata za‘îmi olan Sinan b. Abdullah meclis-i şer‘de Durmuş b. Ahmed muvâcehesinde takrîr-i merâm edip mezkûr Durmuş mahmiye-i mezbûrede Abdüsselam odalarında sâkine Mihrî bt. ( ) nâm avrata yalın bıçak ile yatsıya karîn zamânda sarhoşla varıp oda halkından ba‘zı kimesneler tutmuşlar, suâl olunsun dedikde mezbûr Durmuş’dan suâl olundukda inkârile cevâb verip beyyine taleb olunup Selim b. Mansur ve Ali b. Kemal nâm kimesneler meclis-i şer‘a hâzırân olup fi’l-vâki‘ mesfûr Durmuş bî-vakt zikr olan odalarda sâkine Mihri nâm avrata girip odalar içinde kavga zâhir olup çıktığımızda elinde yalın bıçak ile gördük deyü şehâdet eylediklerinde mâ vaka‘a bi’t-taleb kaydolundu. Şuhûdü’l-hâl: Hasan Ağa Reisü’l-muhzırîn ve Ahmed b. Dede ve el-Hâc Ferruh b. Abdullah ve Ferhad b. Abdullah