Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 195 Hüküm no: 252 Orijinal metin no: [47a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Nebi Reis nâm kimesne bir kısa boylu açık kaşlı koyun gözlü kumral şekil kösece başına külâh ve eğnine gök kaftan giyer Rûsiyyü’l-asl abd-i âbık[ı] sene ihdâ işrîn ve tis‘a mi’e Cemâziyelâhiri’nin gurresinde tutup Üsküdar âmiline teslîm olundukda yevmî nafakası ve hıfzı için ikişer akçe takdîr olunup deftere sebt olundu. Tahrîren fî evâili Cemâziyelâhir sene 921. Mezkûr-ı mevsûf abd-i âbıkın müddet-i örfiyyesi tamâm oldukdan sonra emîn Sinan Bey ile âmil Mehmed Bey satdıklarında deftere sebt olundu. Tahrîren fî evâili Şevvali’l-mu‘azzam sene 921.