Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 195 Hüküm no: 254 Orijinal metin no: [47b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin sahibine teslim edildiği. Sebeb-i tahrîr-i kitâb budur ki Hasan nâm kimesne bir orta boylu açık kaşlı gök gözlü sarışın Rûsiyyü’l-asl Hamza nâm kimesneyi meclis-i şer‘a getirdikde ikrâr edip dedi kim ben Menteşoğlu Ahmed Bey’in kuluyum beni uğurladılar dedikde sene ihdâ işrîn ve tis‘a mi’e Cemâziyelâhi’rinin üçüncü gününde Üsküdar âmili Nebi’ye teslîm olundukda yevmî nafakası ve hıfzı için ikişer akçe takdîr olunup deftere sebt olundu. Tahrîren fî evâili Cemâziyelâhir sene 921. Mezkûr-ı mevsûf abd-i âbıkın sâhibi Menteşoğlu Ahmed imiş nişancı elinden teslîm olunup deftere sebt olundu. Tahrîren fî evâili Cemâziyelâhir sene 921