Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 197 Hüküm no: 259 Orijinal metin no: [48a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin sahibine teslim edildiği. Sebeb-i tahrîr-i kitâb budur ki Elhâc Yusuf nâm sefer eri bir orta boylu açık kaşlı ela gözlü enli benli sarışın başına külâh ve eğnine âsumânî eski çuha giyer Rûsiyyü’l-asl abd-i âbıkı sene ihdâ işrîn ve tis‘a mi’e Cemâziyelâhiri’nin altıncı gününde tutup Üsküdar âmiline teslîm olundukda yevmî nafakası ve hıfzı için ikişer akçe takdîr olunup deftere sebt olundu. Tahrîren fî evâili Cemâziyelâhir sene 921. Mezkûr-ı mevsûf abd-i âbık Hamza’nın kızı kızının imiş irsâl olunan Alagöz kullarına teslîm olundukda deftere sebt olundu. Tahrîren fî evâili Cemâziyelâhir sene 921. Mezkûr-ı mevsûf abd-i âbık ulûfeciler başının imiş ulûfecilerden Mustafa’ya teslîm olundukda deftere sebt olundu. Tahrîren fî evâili Cemâziyelâhir sene 921.