Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 201 Hüküm no: 268 Orijinal metin no: [49b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza b. Hasan’ın satın aldığı atın kendisinin olduğunu iddia eden Yusuf b. Paşa Yiğid’e atın hükm olunduğu. Sebeb-i tahrîr-i kitâb budur ki Hamza b. Bezci? Hasan’ın satın aldığı alnı sakar sol yanındağı kıç ayağı sekil kır uluyürür? iki buçuk yaşar? tay atı Yusuf b. Paşa Yiğid benimdir yundum kulundur deyu da‘vâ ettikde mezkûr Hamza inkâr edicek mezkûr müdde‘î Yusuf’dan alâ sıdkı da‘vâhu meclis-i şer‘de beyyine taleb olundukda udûl-i müslimînden mezbûr müdde‘înin da‘vâsına mutâbık Gündüz b. Aydın ve İnebeyi b. Mürüvvet şehâdet-i sahîha-i şer‘iyye eylediler ba‘de’t-tezkiyeti’ş-şer‘iyye şehâdetler[i] kabûl olunup mezkûr-ı mevsûf at merkūm Yusuf’un idiği sâbit olup hükm olundu hükmen sahîhan şer‘iyyen öyle olsa talebiyle deftere sebt olundu. Tahrîren fî evâhiri Cemâziyelâhir sene 921. Şuhûdü’l-mazmûn Mevlânâ Şakir Halîfe b. Şeyh Sevindik ve Hüseyin b. İbrahim ve Ramazan b. Ahmed ve Pîr Mehmed b. Mevlânâ Sinan ve gayruhum mine’l-hâzırîn