Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 213 Hüküm no: 304 Orijinal metin no: [55a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müezzin Hasan b. Ali’nin evini ve bahçesini ramazanda bir hatim okunmak şartı ile vakfettiği, sonra inkarı üzerine şahitlerin şehadetiyle sıhhat-i vakfa hükm olunduğuna dair. Sebeb-i tahrîr-i kitâb budur ki Mütevellî İbrahim b. Abdullah mü’ezzin Hasan b. Ali’[yi] meclis-i şer‘e sallallâhu alâ şâri‘ihî ihzâr edip dedi kim sâbıkā sen evini Ramazanda bir hatme okusun şart üzere merhûm Mehmed Paşa cami‘ine kim hatîb olursa ana vakf ettikden sonra bahçeni evin meremmetine vakf edip beni mütevellî nasb ettin ve benden sonra her kim mütevellî olursa anı dahi mütevellî nasb ettin dedikde mezkûr mü’ezzin Hasan b. Ali inkâr edicek mezbûr mütevellî İbrahim’den beyyine taleb olundu mesfûr mütevellînin da‘vâsına mutâbık Yahşi? b. Abdullah ve Şaban b. Mehmed ve Hacı Mustafa b. Abdullah şehâdet-i sahîha-i şer‘iyye eyleyip şehâdetleri hayyiz-i kabûlde vâki oldukdan sonra sıhhat-i zâlike’l-vakfa hükm olundu hükmen sahîhan şer‘iyyen öyle olsa mestûr mütevellî İbrahim’in talebiyle deftere sebt olundu. Tahrîren fî evâili Zilka‘de sene 921. Şuhûdü’l-mazmûn Koca Mustafa b. Salih ve Fethi b. Mustafa