Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 215 Hüküm no: 311 Orijinal metin no: [56a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır b. Abdullah, Elhâc İlyas ve Manol b. Yani’nin vefat eden Durmuş Fakih b. Musa’nın çocuklarına borcu olduğuna dair ikrarları. Sebeb-i tahrîr-i kitâb budur ki Hızır b. Abdullah atik Elhâc İlyas ile ve Manol b. Yani divâne meclis-i şer‘de ikrâr-ı sahîh ile ikrâr edip dediler kim mezkûr Hızır’ın ikrârı bu kim merhûm Durmuş Fakih b. Musa’dan bi-tarîki’l-karz aldığım beş yüz akçe el’ân zimmetimdedir ve âsumânî çuha kaftan bahâsından altı ayda edâ etmek üzere elli akçe deynim var dedikde ve mezbûr Manol dahi mezkûr merhûm Durmuş Fakih b. Musa’dan aldığım öküz bahâsından iki yüz akçe ile ve âsumânî çuha kaftan bahâsından altı ayda edâ etmek üzere yirmi akçe deynim var dedikde mezkûrânın ikrârını müteveffâ-yı mesfûrun vasîsi Kara Mustafa b. Lütfullah tasdîk ettikden sonra talebiyle deftere sebt olundu. Tahrîren fî gurre-i Muharremi’l-harâm sene 922. Şuhûdü’l-mazmûn Şah Bâli b. Ali Fakih ve Mehmed b. İsa ve Kılağuz b. Aslıhan