Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 222 Hüküm no: 330 Orijinal metin no: [58b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mu‘arrif Hamza’nın mirasını kölesi Eşe bt. Abdullah’a vasiyet ettiği. Sebeb-i tahrîr-i kitâb budur ki Eşe? bt. Abdullah der-i devletden hükm-i şerîf irâd edip mazmûn-ı dürerbârında münderic olunan budur ki eğer mezkûre Eşe’nin efendisi Mu‘arrif Hamza mecmû‘ mâlikini vasiyyet ettiği sâbit olup hükm edip alıveresin deyu fermân olunmuş öyle olsa imtisâlen li’l-emri’l-âlî akd-i meclis olunup müteveffâ-yı mezkûrun muhallefâtını zabt eden âmil Mehmed b. İsa ile ve emîn Sinan Bey b. Abdullah mahzarında mevki‘un bihâ idiği gene Yahşi b. Abdullah ve Koca Mustafa b. Salih ve Ali Bâli b. Kılağuz ve mütevellî İbrahim b. Abdullah şehâdet edip şehâdetleri kabûl olundukdan sonra bi-gayrı ez-harc mezkûr âmil Mehmed b. İsa elinden mezbûre Eşe? bt. Abdullah’a bin sekiz yüz elli yedi akçe teslîm olundu ve Kassâb Mustafa elinden an kıbel-i Taycı Reis bin seksen beş akçe cem‘an iki bin dokuz yüz otuz yedi cemâat-i kesîre içinde teslîm olundu mezkûreye. Tahrîren fî [evâ]il-i Saferi’l-muzaffer sene 922. Şuhûdü’l-mazmûn İbrahim b. Yusuf el-Hatîb ve Hızır Davud b. Abdullah ve Hüseyin b. Kılağuz ve Mü’ezzin Ali b. Yakub ve Mütevellî Ali b. Abdullah ve Yusuf b. Abdullah ve Ramazan b. Ahmed ve İshak Bey b. Abdullah ve gayruhum