Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 235 Hüküm no: 363 Orijinal metin no: [63b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Eflah asıllı kaçak kölenin sahibine teslim edildiği. Sebeb-i tahrîr-i kitâb budur ki Bulgurlu’da mutavattın olan Hamza nâm kimesne bir uzun boylu açık kaşlı kara gözlü buğday enli? başına gök takke ve eğnine kebe [giyer] Eflahiyyü’l-asl abd-i âbıkı sene isnâ ve işrîn ve tis‘a mi’e Cemâziyelevveli’nin on beşinci gününde tutup yevmî nafaka ve hıfzı için ikişer akçe takdîr olunup İstavros câbîsi Yusuf’a teslîm olundukda deftere sebt olundu. Tahrîren fî evâsıtı Cemâziyelevvel sene 922. Mezkûr-ı mevsûf abd-i âbıkın sâhibi Kızıl Ahmed Bey oğlu Musa Bey’in imiş âdemisi Elhâc Ramazan b. Ahmed’e teslîm olundukda deftere sebt olundu. Tahrîren fî 21 Cemâziyelâhir sene 922.