Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 236 Hüküm no: 365 Orijinal metin no: [64a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Koca Mustafa nâm kimesne bir orta boylu açık kaşlı kara gözlü buğday enli? başına keçe takke ve eğnine kısa kebe giyer Rûsiyyü’l-asl abd-i âbıkı sene isnâ ve işrîn ve tis‘a mi’e Cemâziyelevveli’nin on beşinci gününde tutup yevmî nafakası ve hıfzı için ikişer akçe takdîr olunup Üsküdar âmili olan Mehmed b. Bekir’e teslîm olundukda deftere sebt olundu. Tahrîren fî evâsıtı Cemâziyelevvel sene 922. Mezkûr-ı mevsûf abd-i âbıkın müddet-i örfiyyesi tamâm oldukda mirâren mezâd olunup bahâsı bin akçede tekarrür bulucak âmil satıp be-ma‘rifet-i emîn deftere sebt olundu. Tahrîren fî 19 Şa‘ban sene 922.