Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 251 Hüküm no: 408 Orijinal metin no: [69b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Paşa vakfına ait bozahâne ve dükkanların ayda kırk beş akçeye kiraya verildiği. Sebeb-i tahrîr-i kitâb budur ki Merhûm Mehmed Paşa evkâfının mütevellîsi İbrahim b. Abdullah ile ve câbîsi Şîr Ali b. Şeyh Mehmed meclis-i şer‘de ikrâr-ı sahîh ile ikrâr edip dediler kim vakıf bozahâneyi bir yıla ayda kırk beş akçeye kurbunda vâki olan dükkânlar ile işbu Mehmed b. İsa’ya İsveti Mustafa b. Abdullah kefîl bi’l-mâl oldukda icâreye verdik dediklerinde Mehmed[i] mezkûr tasdîk ettikden sonra talebleri ile deftere sebt olundu. Tahrîren fî gurre-i Şevvali’l-mu‘azzam sene 922. Şuhûdü’l-mazmûn Şir[v]anlı Mehmed b. Salih ve Ekmekci Ali b. Ahmed ve Mahmud b. Abdullah ve Yusuf b. Abdullah