Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 281 Hüküm no: 457 Orijinal metin no: [78a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın öldürdüğü kişiye ait para ve eşyaların amile teslim edildiği. Sebeb-i tahrîr-i kitâb budur ki Katl-i nefs etdim deyu ikrâr-ı sahîh ile ikrâr eden Mustafa b. Abdullah elinde bin dört yüz akçe ile bir gümüş kadeh ve gümüş kaplı inci dibi bulundukda mezkûr kâtil katl ettiğim kimesnenindir dedikden sonra ve mezkûrân gümüş kadeh ile ve gümüş kaplı inci dibi satılıp bi-gayri ez-harc? cem‘an nakid akçe ile bin yedi yüz otuz dokuz akçe olup Üsküdar’a emîn olan kimesnelerde emânet konulup deftere sebt olundu. Tahrîren fî evâhiri Ramazani’l-mübârek sene 920. Şuhûdü’l-mazmûn Evranos b. Yahşi ve Ali b. İsmail ve Şah Bâli b. Ali Fakih ve Mehmed b. Yahya ve Kassâb Mahmud b. Abdullah ve Hızır b. Ramazan ve Ayas Bey b. Abdullah ve gayruhum mine’l-hâzırîn Mezkûr bin yedi yüz otuz dokuz akçenin müddet-i örfiyyesi tamâm oldukda sâhibi zâhir olmadığı sebebden âmil Mehmed b. Bekir’e teslîm olundukdan sonra mezkûr âmil dahi emîn nasb olunan Sinan Bey [b.] Abdullah’a meblağ-ı mezkûru teslîm edip deftere sebt olundu. Tahrîren fî gurre-i Muharremi’l-harâm sene 921.