Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 293 Hüküm no: 475 Orijinal metin no: [80a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Evranos ve Mustafa nâm kimesneler bir orta boylu açık kaşlı koyun gözlü buğday enli? başına kızıl takke ve eğnine âsumânî çuha giyer Sırbiyyü’l-asl abd-i âbıkı sene isnâ ve işrîn ve tis‘a mi’e Cemâziyelevvelisinin yirmi ikinci gününde tuttuklarında yevmî nafakası ve hıfzı için ikişer akçe takdîr olunup Üsküdar âmili Mehmed b. Bekir’e teslîm olundukdan sonra deftere sebt olundu. Tahrîren fî evâhiri Cemâziyelevvel sene 922. Mezkûr-ı mevsûf abd-i âbıkın müddet-i örfiyyesi tamâm olup mirâren mezâd olundukda bahâsı bin iki yüz akçede takarrür buldukdan sonra âmil Mehmed ile emîn Aydın meblağ-ı mezkûr bin iki yüz akçeye satdıklarında deftere sebt olundu. Tahrîren fî evâili Ramazani’l-mübârek sene 922.