Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 294 Hüküm no: 477 Orijinal metin no: [80b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Üsküdar’da yakalanan Rus asıllı kaçak kölenin müddet-i örfiyyesi tamam olup satıldığı.
Sebeb-i tahrîr-i kitâb budur ki Şah Bâli b. Ali Fakih bir orta boylu açık kaşlı gök ela gözlü sarışın başına eski keçe takke ve eğnine kebe giyer Rûsiyyü’l-asl abd-i âbıkı sene isnâ ve işrîn ve tis‘a mi’e Şevvali’nin on beşinci günü tutup yevmî nafakası ve hıfzı için ikişer akçe takdîr olundukda Üsküdar âmili Mehmed b. Bekir’e teslîm olunup deftere sebt olundu. Tahrîren fî evâsıtı Şevval sene 922. Abd-i mezkûr-ı mevsûfun müddet-i örfiyyesi tamâm olup esvâk-ı sultâniyyede mirâren mezâd olunup emîn Aydın Bey ile âmil Mehmed bin beş yüz akçeye satdıklarında deftere sebt olundu. Tahrîren fî evâsıtı Muharremi’l-harâm sene 923. Ve minhâ Tutana 50 Ca‘line 90 Ve nafakasına 200 Ve resm-i defterine 14 Cem‘an 354
|