Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 296 Hüküm no: 480 Orijinal metin no: [80b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gora b. Yani’nin ölen İstemat’ta 2000 akçe alacağının olduğu. Sebeb-i tahrîr-i kitâb budur ki Karye-i (…) Gora b. Yani meclis-i şer‘a sallallâhu alâ şâri‘ihî karye-i mezbûreden mürd olan İstimat b. Dimitri’nin muhaleffâtı ahzıçün gelen Dimitri kendi tarafından asâleten ve karındâşları tarafından vekâleten ihzâr edip dedi ki müteveffâ İstimat vefât eyleyip zimmetinde karz-ı hasen vechinden iki bin akçe kaldı dedi gıbbe’l-inkâr alâ sıdkı da‘vâihi beyyine taleb olundukda Ayas b. Abdullah ve Ali b. Abdullah ve Dimitri b. Kara Kubar? Todora ve Kosta b. Dranos şehâdet eyleyip eyitdiler ki mezkûr İstimat fevt olup zimmetinde mezkûr Gora’nın iki bin akçesi deyn-i lâzımü’l-edâ ve vâcibü’l-kazâ kaldı deyu şehâdet ile ba‘de’t-tezkiye ve’t-tahlîf hayyiz-i kabûlde vâki oldukdan sonra mezkûr karyede müteveffânın taşdan ve topraktan binâ olunmuş ulvî ve süflî evleri tevâbi‘i ve levâhıkı ile Yorgi b. Tranos’a altı bin akçeye bey‘ olundukda sâlifü’z-zikr Gora’nın iki bin akçesi müteveffâ-yı mezkûrun deyni için mezkûr Yorgi’den ev bahâsından havâle olundukda mezkûr Gora dahi (…) kabûl eyleyip gıbbe’t-taleb tescîl olundu. Tahrîren fî evâili Zilhicce sene selâse ve işrîn ve tis‘a mi’e. Şuhûdü’l-hâl İlyas b. Abdullah ve Mehmed b. İsa ve Dimitri b. Todora ve Nikola b. Kosta ve Yorgi b. Dranos ve gayruhum mine’l-hâzırîn