Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 300 Hüküm no: 490 Orijinal metin no: [82a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Hırvat asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Nalbandoğlu Ali bir uzun boylu açık kaşlı koyun gözlü sağ yüzünde yaracıkları var sarışın başına keçe takke ve eğnine eski gök kaftan giyer Hırvadiyyü’l-asl abd-i âbıkı sene selâse ve işrîn ve tis‘a mi’e Recebü’l-müreccebinin dokuzuncu gününde tutup <> yevmî nafakası ve hıfzı için ikişer akçe takdîr [olunup] Üsküdar’ı mukāta‘aya tutan Resul b. Mustafa’ya teslîm olundukda deftere sebt olundu. Tahrîren fî evâili Recebi’l-mürecceb sene 923. Mezkûr-ı mevsûf abd-i âbıkın müddet-i örfiyyesi tamâm oldukda mirâren mezâd olundukdan sonra bin iki yüz altmış akçeye Demirhan b. İsmail’e satıldıkda sebt-i defter olundu. Tahrîren fî 5 Şevvali’l-mu‘azzam sene 923.