Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 315 Hüküm no: 532 Orijinal metin no: [87b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ulak olan Ramazan’ın Üsküdar’dan aldığı atın nafaka parasının Üsküdar amiline teslim edildiği. Sebeb-i tahrîr-i kitâb budur ki Sâbıkâ sene erba‘a işrîn ve tis‘a mi’e Rebi‘ulevvel evâsıtında ulak ile giden Ramazan nâm gulâm-ı şâhî Üsküdar’dan bindiği alnı sakar? doru atı kıç ayağı sekil atı binip geri geldikde Gemlik’de satıldıkda mezbûr geri gelip atı bildirip kadı defterinde doksan bir akçe harc bulundukda mezbûr ulak Ramazan doksan bir akçeyi verip alıp Üsküdar’a getirip âmil Resul b. Mustafa’ya teslîm ettikde yevm[î] nafakası ve tımarı için birer buçuk akçe takdîr olunup deftere sebt olundu. Tahrîren fî 23 Rebi‘ulâhir sene 924. Mezkûr-ı mevsûf atın müddet-i örfiyyesi tamâm olduğu sâbit oldukda bey‘ men yezîd olundukdan sonra Şile’li Terzi’[ye] satılıp deftere sebt olundu.