Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 319 Hüküm no: 543 Orijinal metin no: [88b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kilidbahir kal‘ası dizdârı’nın yakaladığı Rus asıllı kaçak kölenin sahibine teslim edildiği. Sebeb-i tahrîr-i kitâb budur ki Kilidbahir kal‘ası dizdâr[ı] Murad b. Abdullah tahmînen on bir on ikişer mikdârı var bir sarışın açık kaşlı koyun gözlü başına külâh ve eğnine çuha eskileri giyer Rûsiyyü’l-asl abd-i âbıkı sene erba‘a ve işrîn ve tis‘a mi’e Cemâziyelâhiri’nin on ikinci gününde tutup yevm[î] nafakası ve hıfzı için birer buçuk akçe takdîr olunup deftere sebt olunup âmil Resul’e teslîm olundu. Tahrîren fî evâsıtı Cemâziyelâhir sene 924. Mezkûr-ı mevsûf abd-i âbıkın sâhibi İstanbul’lu Arab Hoca imiş teslîm olundukda deftere sebt olundu. Tahrîren fî 15 Cemâziyelâhir sene 924.