Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 331 Hüküm no: 578 Orijinal metin no: [92b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Yusuf’un Çepnioğlu Emir’e 440 akçe borcu olduğuna dair. Sebeb-i tahrîr-i kitâb budur ki Ali b. Yusuf meclis-i şer‘de ikrâr-ı sahîh ile ikrâr edip dedi kim işbu Çepnioğlu Emir’e karz-ı hasenden dört bin akçe ile ve aselî çuha? kaftan bahâsından altı ayda edâ etmek üzere dört yüz akçe cem‘an dört bin dört [yüz] akçe deynim vardır deyicek meblağ-ı mezkûr dört bin dört yüz akçeye Demirhan b. İsmail kefîl oldukda mezkûr Emir’in talebiyle deftere sebt olundu. Tahrîren fî evâili Şa‘bani’l-mu‘azzam sene 924. Şuhûdü’l-mazmûn Mevlânâ Bekir b. Mevlânâ Salih ve İbrahim b. Yusuf el-hatîb ve Ramazan b. Ahmed ve Pîr Mehmed b. Mevlânâ Sinan