Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 349 Hüküm no: 625 Orijinal metin no: [98a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Efendisini öldürdüğü için hapsedilen kölenin Resul Hacı b. Mezîd’e teslim olunduğu. Vech-i tezkire oldur ki bundan akdem (…) efendilerin katl eden kullardan bir uzun boylu sarışın abd-i âbık Dizdâr tımarında Bulgurlu mağberi? civârında tutulup habs olunmuş idi hâliyâ nefs-i Ereğli’de mutavattın olan Resul Hacı b. Mezîd meclis-i şer‘a maktûl-ı mezkûrûn vârisleri tarafından vekâletini bi’ş-şer‘ isbât edicek zikr olan mevsûf kul mezkûr Resul Hacı’ya teslîm olundu. Fî evâhiri Receb sene 925 Şuhûd Bekir Fakih b. Mustafa, Kılağuz b. Aslıhan, Şaban b. Mehmedî ve gayruhum mine’l-hâzırîn Zikr olan kul bundan evvel Dizdâr âdemi Ahmed Osman âmil elinden teslîm olunmuş idi hâliyâ mezkûr Ahmed dahi meclis-i şer‘de mezkûr Osman’a teslîm edip Osman mezkûr dahi zikr olan Resul Hacı’ya teslîm etti. Şuhûd el-mezkûrîn