Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 369 Hüküm no: 663 Orijinal metin no: [101b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora b. Dimitri’nin Ali b. İsmail’in vasisi Abdülaziz Çelebi b. Elhâc Muslihiddin malından bin akçe borç aldığı. Fasl Vech-i tezkiretü’l-hurûf oldur ki Todora b. Dimitri şöyle ikrâr-ı sahîh edip dedi ki işbu Ali b. İsmail’den vasî olduğu Abdülaziz Çelebi b. Elhâc Muslihiddin malından bin râyic akçe aldım karzü’l-hasen mezkûre yüz akçe dahi âsumânî çuka kaftan semeninden medyûnun mu‘âmele-i mezkûre sene 925 Rebi‘ulâhir evâsıtında vâki olup sene-i kâmile tamâm olunca müecceldir cem‘an mezkûra bin yüz akçe vâcibü’l-edâ olan deynim vardır deyu mukarrun-leh mezbûr dahi mukırr-ı mezkûru ikrârında tasdîk edip sebt-i sicil olundu. Tahrîren fî evâsıtı Ramazan sene 925 Şuhûd Bekir b. Mustafa, Hızır b. Ramazan, Abdullah b. Bakşi, Veli b. İsmail ve gayruhum Ve meblağ-ı mezkûr 1100 akçeye berber Ahmed b. Musa kefîl bi’l-mâl oldu.