Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 375 Hüküm no: 679 Orijinal metin no: [103a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol’a olan borcu için Çerkez Ali b. Abdullah’a Şaban b. Hasan ve Kara Hüseyin b. Mestan’ın kefil oldukları. Fasl Vech-i tezkiretü’l-hurûf oldur ki (…) olan üç yüz akçeye Çerkez Ali b. Abdullah’a olan deyn için Şaban b. Hasan ve Kara Hüseyin b. Mestan kefîl bi’l-mâl olup on günde meblağ-ı mezbûru mezkûr Manol edâ etmezse mezkûrân muhzıra teslîm etmeğe iltizâm edip Manol’un zevcesi İreni bt. Saru dahi hâzır olup karye-i Kuzguncuk haddinde olan ma‘lûmetü’l-hudûd bağını satmağa işbu mûmâ ileyhimâ Şaban ve Hüseyin’i vekîl-i devrî etti ki eğer mezkûr Manol müddet-i madrûbede deyn-i mezkûru edâ etmeyip vekîller öderlerse zikr olan bağı bey‘ edip semeninden istifâ edeler mezkûrân dahi vech-i meşrûh vekâleti kabûl edip sebt olundu. Fî 15 Zilka‘de sene 925. Şuhûd Elhâc Abdi b. Yahşi ve Kılağuz b. Aslıhan ve Tur Bâli b. Gaybî ve gayruhum