Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 376 Hüküm no: 682 Orijinal metin no: [103a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Nikola’nın ölen Koca Pavlo’dan 800 akçe alacağı olduğu. Fasl Vech-i tezkiretü’l-hurûf oldur ki karye-i Herekedone’de müteveffâ olan Koca Pavlo vârisi karındâşı yüzüne mezkûr müteveffâda karz-ı hasenden sekiz yüz akçe [a]lımım var deyu Yorgi b. Nikola meclis-i şer‘de da‘vâ edicek udûl-i müslimînden Hamza b. Abdullah hâzır olup edâ-i şehâdet edip kabûl olundukda ve bir dahi zimmî kâfir Dimitri ve Esder’le şehâdetleri hayyiz-i salâhda? olup mezbûr Yorgi b. Nikola’ya mezkûr müteveffâdan metrûkâtından bi-hasebi’ş-şer‘i’l-kavîm hükm olunup deftere kayd olundu. Tahrîren fî evâili Zilhicce sene 925. Şuhûdü’l-mazmûn Hamza b. Musa ve Mehmed b. İsa ve Musa b. İskender