Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 381 Hüküm no: 693 Orijinal metin no: [104b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Yani’nin mutasarrıf olduğu çiftlik yerinden bir kısmının tasarruf hakkını Yorgi Dimitri’ye 300 akçeye satdığı. Fasl Vech-i tezkiretü’l-hurûf oldur ki karye-i Herekedone’de Yorgi b. Yani şer‘-i şerîf meclisine hâzır olup Yorgi Dimitri mahzarında bilâ ikrâh ve’l-icbâr şöyle ikrâr-ı sahîh-i mer‘î kılıp dedi ki arz-ı emîri üzre mutasarrıf olduğum nısf çiftlik yerimden bir kıt‘a yer ki hadd-i kıblesi Bolayır oğlu Dimitri yerine müntehîdir ve hadd-ı garbîsi tarîk-i âmma mülâbisdir ve hadd-ı şimâlisi ve hadd-ı şarkîsi Yorgi mezkûr yerine mülâsıkdır bu hudûd-ı erba‘a içinde olan eşcâr-ı müsmireden her neye müştemil ise anı mülk kuyusu ile bir kıt‘a yeri mezkûr Yorgi mezkûra hakk-ı karâr üç yüz akçesin alıp verdim deyicek mezkûr dahi mezbûrun ikrârını tasdîk ettikde sipâhisi ola[n] Ali b. Berekât kıbelinden Âşık Kethüdâ’ya yirmi akçe resm-i tapu verilip deftere sebt olundu. Tahrîren fî gurre-i Rebi‘ulâhir min şuhûr-ı sene 926. Şuhûdü’l-hâl İsmail b. Mustafa, Nikola b. Dimitri, Yorgi b. Kosta, Lazar? b. Kanci? ve gayruhum