Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 383 Hüküm no: 697 Orijinal metin no: [105a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman b. Hamza’nın babasından kalan mallar hakkındaYunus b. Turhan’a açtığı alacak davası. Sebeb-i tahrîr-i hurûf oldur ki Osman b. Hamza ve Yunus b. Turhan meclis-i şer‘a ihzâr olup mezkûr Osman şöyle takrîr-i merâm kılıp dedi ki babam fevt oldu ba‘zı esbâbı kaldı bana vermedi deyu da‘vâ eyledi mezbûr Hamza’[ya] suâl olundukda bi’l-inkâr cevâb verip dedi ki babam bana ba‘zı esbâb verdi idi onları vermezin mezkûr Osman’dan şâhid taleb olundukda şâhidden âciz oldukdan sonra kelâm-ı kadîme izâfet-i yed edip yemîn billâh eyledikden sonra ve bu vesîka ketb olunup yedine vaz‘ olundu vakt-i hâcetde temessük edine. Tahrîren fî evâili Cemâziyelâhir sene sitte ve işrîn ve tis‘a mi’e Şuhûdü’l-hâl İlyas b. Hacı ve Kurban? b. İsa ve İbrahim b. Ferhad ve Karagöz b. Mustafa ve gayruhum mine’l-müslimîni’l-hâzırîn