Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 384 Hüküm no: 700 Orijinal metin no: [105b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Dranos’un Abdurrahman Çelebi b. Elhâc Muslihiddin akçesinden 1100 akçe borç aldığı. Sebeb-i tahrîr-i kitâb-ı şer‘î budur ki Herekedone’de mütemekkin olan Kosta b. Dranos nâm [zimmî] meclis-i şer‘de ikrâr-ı sahîh edip dedi kim Abdurrahman Çelebi b. Elhâc Muslihiddin akçesinden şer‘î mu‘âmele ile vermek için nâ’ib-i münâb olan İbrahim b. Abdullah’dan karz-ı hasen bin akçe ve âsumânî çuha bahâsından yüz cem‘an bin yüz akçe on iki ayda edâ etmek üzerine deynim var deyu ikrâr edip meblağ-ı mezbûra Dellâk Hızır b. Abdullah kefîl olup mezkûr mütevellî kabûl ettikde ve mukırrın ikrârını tasdîk ettikden sonra talebiyle deftere sebt olundu. Tahrîren fî evâili Cemâziyelevvel sene 925. Şuhûdü’l-mazmûn Katırcı Kemal v. Yakub, Mustafa b. Bahadır