Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 386 Hüküm no: 706 Orijinal metin no: [106a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Yani’nin Çepni b. Mustafa’ya 1350 akçe borcu olduğu. Vech-i tezkire oldur ki Dimitri v. Yani meclis-i şer‘a gelip işbu Çepni b. Mustafa’dan karz-ı hasen bin iki yüz akçe alıp ve yüz elli akçe dahi çuha bahâsından cem‘an mezkûra bin üç yüz elli akçe deynim vardır târih-i defter altı ay va‘de ile deyip ba‘de Todora b. Moseki hâzır olup kefîl bi’l-mâl oldukda mezkûr Dimitri Çengel köyünde olan bağını mezkûr Todora’da rehin kodı öyle olsa mezkûr Çepni bu mezkûrânı alâ mâ vaka‘a kabûl edip sebt-i defter olundu. Fi’l-yevmi’l-hâmise aşer şehr-i Cemâziyelevvel sene 925. Şuhûdü’l-hâl Yahşi? b. Abdullah, Ahmed b. Abdullah, Sülemiş b. Karamanlıdur Bekir b. Mustafa, Seferşah b. Süleyman, Timurhan b. İsmail ve gayruhum