Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 388 Hüküm no: 713 Orijinal metin no: [106b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. Koca ile Yusuf b. Abdullah’ın ortaklaşa aldıkları göldeki hisselerine dair ihtilafı. Fasl Vech-i tezkire oldur ki Yusuf b. Abdullah meclis-i şer‘a Halil b. Koca’yı ihzâr edip işbu mezkûr Halil’e Yenihisar kurbunda müşterek bir göl aldık nısfı benimdir bana dahl ettirmez deyicek mezbûr Halil eydür ol iştirâki fesh edip tekrar dört nefer kimesnelerle müşterek olup mezkûr Yusuf b. Abdullah hissesine iki yüz kırk iki demet saz düşüp saydı aldı anda bir yerde kodu iki yüz kırk beş akçe bunun zimmetinde var deyicek sıdk-ı da‘vâsına şâhid taleb olundukda udûl-i müslimînden Ahmed b. Abdullah ve Bâyezid b. Abdullah hâzırân olup edâ-i şehâdet edip dediler ki mezkûr Yusuf mezbûr Halil sâbıkda olan iştirâki fesh edip rub‘ hisseyi Yusuf kabûl etti anda emânet kodu deyu şehâdetleri hayyiz-i kabûlde olup sâbıkda olan iştirâkin feshine hükm olup ba‘dehû iki yüz yirmi iki saz demeti alıp iki yüz kırk beş akçe deyn olduğuna şer‘an makbûl görülüp deftere sebt olundu. Tahrîren fî evâsıtı Şevval sene 925 Şuhûdü’l-mazmûn Mezîd b. Takkeci ve Osman b. Gevher ve Ali mütevellî bin Abdullah ve gayruhum