Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 396 Hüküm no: 724 Orijinal metin no: [109b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Demirhan’ın yakaladığı Rus asıllı kaçak kölenin müddet-i örfiyyesi tamam olunca 1000 akçeye satıldığı. Satıldı Sebeb-i tahrîr-i kitâb budur ki Demirhan nâm kimesne bir orta boylu açık kaşlı gök gözlü sarışın kösece? başına keçe takke ve eğnine kara ağrız giyer Bosneviyyü’l-asl abd-i âbıkı sene erba‘a işrîn ve tis‘a mi’e Recebü’l-müreccebinin on dördüncü gününde tutup yevmî nafakası ve hıfzı için bir bir buçuk akçe takdîr olunup Üsküdar’ı mukāta‘aya tutan âmil Mehmed b. Süleyman’a teslîm olundukda deftere sebt olundu. Tahrîren fî evâsıtı Receb sene 924. Mezkûr-ı mevsûf abd-i âbıkın müddet-i örfiyyesi tamâm oldukda mirâren mezâd olundukda bahâsı bin akçeye karar olunup satıldıkda deftere sebt olundu. Tahrîren fî evâsıtı Şevvali’l-mübârek sene 924. Mezkûr abd-i âbıkı Tutana 50 Nafakasına 135 Resm-i defteriyye 14 Ca‘line 83 Dellâliye ve bâcına 15 Bâkī 703