Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 401 Hüküm no: 738 Orijinal metin no: [111a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi b. Süleyman’nın yakaladığı Rus asıllı kaçak kölenin müddet-i örfiyyesi tamam olunca 1500 akçeye satıldığı. Sebeb-i tahrîr-i kitâb budur ki Memi b. Süleyman nâm kimesne bir orta boylu açık kaşlı koyun gözlü sarışın başına kızıl hamayini? ve eğnine gök kaftan giyer Rûsiyyü’l-asl abd-i âbıkı sipâhi oğlanları bölüğünden Timurhan b. Hamza’nın elinde bulup aldıkda yevmî birer buçuk akçe nafaka takdîr olunup Üsküdar âmili Mehmed’e teslîm olundukda deftere sebt olundu. Tahrîren fî gurre-i Zilhicce sene 924. Mezkûr-ı mevsûf abd-i âbıkın müddet-i örfiyyesi tamâm oldukda mirâren mezâd olunup bey‘ olundukda bahâsı bin beş yüz akçede tekarrür buldukdan sonra Seferşah b. Süleyman’a satıldıkda deftere sebt olundu. Tahrîren fî evâili Rebi‘ulevvel sene 924. Mezkûr abd-i âbıkı Tutana 50 Nafakasına 135 Ve resm-i defterine 14 Ca‘line 83 Dellâliyesi ile bâcına 15 El-bâkī 1203