Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 409 Hüküm no: 758 Orijinal metin no: [113b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Eflak asıllı kaçak kölenin sahibine teslim edildiği. Sebeb-i tahrîr-i kitâb oldur ki Abd-i âbık Bir uzun boylu açık kaşlı kara gözlü Eflakiyyü’l-asl abd-i âbık[ı] Mehmed b. İsa nefsi Üsküdar’da tutup meclis-i şer‘a getirdikde rıkkiyyete i‘tirâf ettikden sonra kasaba-i mezbûreyi mukāta‘aya tutan âmil Osman b. Gevherdaş’a teslîm olunup min aleyhi’r-rücû‘dan rücû‘ etmek şartıyla yevm[î] nafakası ve hıfzı için bir buçuk akçe takdîr olunup sebt-i sicil olundu. Tahrîren fî 24 Zilka‘de sene 925 Şuhûd Mevlânâ Şaban b. Ramazan ve Bölükbaşı Hamza b. Abdullah ve gayruhumâ Mezkûr abd-i âbık mevsûf Elhâc Halil b. Turbeyi kazâ-i İznikmid’den Ayam…? gölü nâm mevzi‘den kulu idiğin isbât edip teslîm olunup deftere sebt olundu. Tahrîren fî evâsıtı Saferi’l-muzaffer sene 925 Şuhûdü’l-hâl Hamza b. Turbey ve Ali b. Hasan ve gayruhum