Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 411 Hüküm no: 763 Orijinal metin no: [114a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Reisli köyünde vefat eden Tanrıvermiş’in karısının, kocasının terekesini haksız zabt ettiği için Yoros subaşısı hakkındaki şikayeti. Fasl Vech-i tezkiretü’l-hurûf oldur ki karye-i Reisli’de mütemekkin olan Tanrıvermiş nâm kimesne fevt olup metrûkâtını Yoros subaşısı olan Mustafa Bey b. Çepni Kurudan zabt edip bize dahl ettirmez deyu mezkûr müteveffâ Tanrıvermiş’in zevcesi Devlet bt. Abdullah Ağa hazretinden bir bölükbaşı Hamza nâm kimesne gelip husamâyı beraber edip teftîşe şurû‘ olundukda mezkûr Mustafa Bey şöyle da‘vâ edip dedi kim mezbûr müteveffâ kuldan ibâkat edip dört yıl mikdârı mütemekkin olup fevt olup metrûkâtı beytülmâle müte‘allikdir dedikde sıdk-ı da‘vâsına beyyine taleb olunup âciz oldukdan sonra alâ vechi’ş-şer‘i’l-kavîm mezkûr müteveffânın zevcesi Devlet bt. Abdullah adem-i ilme yemîn billâh ettikden sonra mezkûr müteveffâ Tanrıvermiş’in hürriyetine hükm olunup metrûkâtını vâ[ri]sesi zevcesine ve bint-i sulbüne hükm olunup deftere sebt olundu. Hurrire zâlik fî evâili Zilhicce an sene 925