Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 412 Hüküm no: 765 Orijinal metin no: [114b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mahmud’un Herekedone’de ölen Koca Pavlo’da üç koyun alacağının olduğu. Fasl Vech-i tezkiretü’l-hurûf oldur ki karye-i Herekedone’de Koca Pavlo nâm zimmî kâfir fevt olup üzerinde üç koyunum vardır deyu Ahmed b. Mahmud meclis-i şer‘de da‘vâ edicek sıdk-ı da‘vâsına muvâfık beyyine taleb olup udûl-i müslimînden Karagöz b. Abdullah ve Hamza b. Kara Musa hâzırân olup mezbûr Ahmed’in mezkûr müteveffâ Pavlo üzerine üç koyun vardır deyu kabûl olundukda mezbûr Ahmed’e üç koyun hükm olundu talebiyle sebt-i defter olundu. Hurrire zâlik fî evâsıtı Zilhicce sene 925 Şuhûdü’l-hâl Hacı Kırımî ve Bekir b. Mustafa ve Sinan Yeniçeri b. Abdullah ve gayruhum mine’l-müslimîn