Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 417 Hüküm no: 779 Orijinal metin no: [115b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gebze’de her haneden on beş akçe toplanıp hazineye gönderildiği. Fasl Vech-i tezkiretü’l-hurûf oldur ki dergâh-ı mu‘allâdan hükm-i şerîf vârid olup mahrûse-i Gekvize’de her hâneden on beşer akçe ihrâc olunsun deyu emr olunmuş imtisâlen li’l-emri’l-âlî her hâneden ihrâc olunan on beşer akçeden yazılan azep için alınan ulûfelerinden bâkī kalan akçeden on bir bin yüz yetmiş dokuz akçe hisâr erenlerinden Mehmed b. Yusuf Bâyezid b. Abdullah ve Yoros hisar erenlerinden İsa Bâli b. Süleyman ve İsa b. Mustafa’ya meblağ-ı mezkûr teslîm olup hızâne-i umrâna irsâl olunup deftere sebt olundu. Tahrîren fî evâhiri Saferi’l-muzaffer min şuhûrî sene 926 Şuhûdü’l-hâl Şaban b. Ramazan, Kılağuz b. Aslıhan, Timurhan b. İsmail, Ebu Bekir b. Mustafa ve gayruhum