Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 421 Hüküm no: 788 Orijinal metin no: [117a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bulgurlu köyünden Budak’ın tarlasından buğday demeti çalan Süleyman b. Abdullah hakkında şikayeti. Tafsîl Vech-i tezkiretü’l-hurûf budur ki nâhiye-i Gekvize’den Bulgurlu nâm karyeden Budak meclis-i şer‘a hâzır gelip bile karye-i İstavros’dan Süleyman b. Abdullah’ı ihzâr edip mezkûr Budak takrîr-i merâm ve sebt-i kelâm kılıp eyitdi ki mezbûr Süleyman tarladan kırk bir tâne buğdayım demedin serîka etti deyicek mezkûr Süleyman b. Abdullah’a suâl olundukda mukâbelede yirmisini ikrâr edip bâkīsin inkâr edicek müdde‘î-i mezkûrdan ziyâdesine beyyine taleb olundukda udûl-i müslimînden İbrahim b. Ahmed ve Yusuf b. Hamid gelip edâ -i şehâdet eylediler mezkûrânın şehâdetleri ba‘de’t-tezkiye ve’t-ta‘dîl hayyiz-i kabûlde vâki olundukda zikr olan demet müdde‘î-i mezbûra hükm olunup deftere sebt ü sicil olundu. Tahrîren fî evâili Şa‘bani’l-mu‘azzam sene seb‘a ve işrîn ve tis‘a mi’e Şuhûdü’l-hâl Murad Fakih b. Mehmed Fakih ve Ahmed Fakih b. Mehmed ve Musa Bey b. Abdullah ve Kılağuz b. Aslıhan ve gayruhum mine’l-müslimîni’l-hâzırîn ve’n-nâzırîn